Astagfirullah robbal baroya
Astagfirullah minal khotoya
Robbi zid’ni ilman nafia
 |
| kh.Abdurrahman wahid (gus dur) |
--------------------------------------
Ya rosulallah,salamun ‘alaik
Ya rofi’asya niwaddaroji
Atfata yaji rotal ‘alami
Ya uhailalju diwalkaromi
-------------------------------------
Ngawiti ingsun nglaras syiiran
Kelawan muji marang pangeran
Kang paring rohmat lan kenikmatan
Rino wengine tanpo pitungan
-------------------------------------
Duh bolo konco priyo wanito
Ojo mung ngaji syare’at bloko
Gur pinter dongeng,nulis lan moco
Tembe mburine bakal sengsoro
-------------------------------------
Akeh kang apal quran hadist’e
Seneng ngafirke marang liyane
Kafire dewe gak di gatekke
Yen isih kotor ati akale
-------------------------------------
Gampang kabujuk nafsu angkoro
Ing pepaese gebyare ndunya
Iri lan meri sugihe tonggo
Mulo atine peteng lan nistho
-------------------------------------
Ayo sedulur jo nglaleake
Wajibe ngaji sak pranatane
Nggo ngandelake iman tauhite
Baguse sangu mulyo matine
-------------------------------------
Kang aran sholeh bagus atine
Kerono mapan seri ngelmune
Laku thoriqot lan ma’rifate
Ugo hakekot manjing rasane
-------------------------------------
Al-qur’an qodim wahyu minulyo
Tanpo tinulis biso di woco
Iku wejangan guru waskito
Den tancepake ing njero dodo
-------------------------------------
Kumantil ati lan pikiran
Mrasuk ing badan kabeh jeroan
Mukjizat rosul dadi pedoman
Minongko dalan manjinge iman
-------------------------------------
Kelawan allah kang moho suci
Kudu rangkulan rino lan wengi
Di tirakati di riyadhoi
Dzikir lan suluk jo nganti lali
-------------------------------------
Uripe ayem rumongso aman
Dununge roso tondo yen iman
Sabar narimo najan pas pasan
Kabeh tinakdir saking pengeran
-------------------------------------
Kelawan konco dulur lan tonggo
Kang podho rukun podho trapsilo
Iku sunnah e ,rosul kang mulyo
Nabi Muhammad, panutan kito
-------------------------------------
Ayo nglakoni sakabehane
Allah kang bakal ngangkat drajate
Senajan asor toto dhohire
Ananging mulyo maqom drajate
-------------------------------------
Lamun palastro ing pungkasane
Ora kesasar roh lan sukmane
Den gadang allah swargo manggone
Utuh mayite ugo ulese
-------------------------------------
Ya rosulallah,salamun ‘alaik
Ya rofi’asya niwaddaroji
Atfata yaji rotal ‘alami
Ya uhailalju diwalkaromi
-------------------------------------
Tidak ada komentar:
Posting Komentar